إزاى أحسن نفسى ف أى لغه وإزاى أعدى إمتحان التويفل بدرجه كويسه؟

التويفل امتحان قدرات لغوية ففعلا انت مش محتاج كتاب معين او منهج معين (رغم انه موجود وحوريهملك) قد ما انته محتاج ان مهاراتك وقدراتك اللغويه تكون فعلا عاليه وساعتها حاعدى بسهوله وبدرجات عاليه ف اى امتحان بيقيس القدرات دى زى التويفل او اى امتحان تانى.
يبقى المطلوب ازاى ارفع القدرات والمهارات دى.
إيه القدرات اللى محتاج اشتغل عليها؟
أساسا السماع والقراءة عشان التويفل بالذات.
يعنى لازم من هنا ورايح أمرن نفسى اسمع كتير جداً واقرا كتير جدا وسيبك من الطرق التقليديه المعتادة.
مافيش حاجه ممكن تتم (فى اى مجال وخصوصا اللغه) من غير عنصرين اساسيين همه الوقت والمجهود والعنصر التالت اللى بيديرهم هوه الإراده.
يعنى لازم لازم لازم أوفر وقت كتير ومجهود كتير اوى عشان أعدى جبل اللغه وعشان احفز نفسى اعمل كده لازم اصمم واصمم واشحن بطارية العزيمه كل ما اتعب واكسل واحب ارتاح ودى هيه الإراده.
طب اسمع ايه؟
افضل حاجه الستالايت وبعدها النت.
اسمع حاجات طبيعية: أفلام ومسلسلات اجنبية فى الاساس ومعاها اخبار واى حاجه تانية بس باللغه واركز.
لازم اسمع ساعات وساعات، ايام وشهور.
ف البداية ممكن ازهق او اتعب او أيأس لإنى مش حاسس بتقدم وده مش حقيقى أكيد لإن التقدم بيحصل بيحصل بس مش باحس بيه ف الأول بسهوله لإنه غالبا تدريجى لكن حاتفاجئ بعد كام شهر بطفرة غير عاديه ف مستوايا بشرط الاستمرار والضغط على رغبتى فى الراحة واحيانا الفرار من جو التركيز والتعب والمذاكره.
السماع عموما اكثر تشويقا من المذاكره العادية والحفظ لإنى باشوف واتفرج على حاجات مسليه زى الافلام والمسلسلات وبكده باتعلم واحفظ وانا مش حاسس بطريقه متزهئش.
بس تانى وتالت اهم حاجه: "الاستمرار فى بذل الجهد"
كمان التويفل محتاج قراءة كتير وف مواضيع متخصصة مختلفة وده كله موجود ع النت ممكن قرائته منها مباشرة او طباعة كميات من المقالات العامه بس المتخصصه فى مجال يعنى موضوعات عامه ف الطب مثلا (اهم الامراض الخطره، احدث وسائل علاج كذا، ...) وف الاثار مثلا (اشهر آثار العالم مثلا، اهرامات المايا،...) وف العلوم زى احدث الابحاث ف مجال الكيمياء، ماذا فعل عالم معين ليحصل على نوبل وهكذا اقرا كتير جدا فى مجالات مختلفه باللغه وجنبى قاموس يا ريت لو الكترونى سريع (ع النت مثلا او اى قاموس الكترونى زى المورد مثلا ع الكمبيوتر) وبلاش كتابه كتير. مجرد قراءة وكشف عن الكلمات ولا تقلق بالتكرار حتحفظ كل حاجه مع الوقت.
الجرامر الصح سيتكون لديك تلقائيا بدون اى خطأ فيه من خلال السماع المستمر والقراءة المكثفة الى حتزود عندك كمان سرعة القراءة بفهم وهى مهارة أساسية يقيسها التويفل.
أخيرا أذكرك وأؤكد لك للمرة الألف: أهم شى توفير الوقت وبذل الجهد المستمر دون كلل أو ملل والضغط على الرغبة فى الراحة والكسل.
أما المناهج فكثيرة جدا ويكفى كتابة كلمة Toefl على جوجل مرة وعلى اليوتيوب مرة لتخرج بعشرات المواقع ومئات المواد المفيدة والمواقع التى يمكنك التمرين من خلالها واجابة امتحانات تويفل على النت وخلافه لكن كما اتقفنا كل ما هو كلام طبيعى باللغة كويس جدا ومحتاج له وكذلك كل المقالات المتخصصة اقرأها فلا يوجد منهج محدد بذاته للتويفل كامتحان مهارات.
فيما يلى بعض نتائج البحث على جوجل واليوتيوب بكلمة تويفل :

https://www.google.com.eg/#hl=ar&tbo=d&site=&source=hp&q=Toefl&oq=Toefl&gs_l=hp.3..0l10.3903.9302.0.18539.5.4.0.1.1.0.421.1153.2-3j0j1.4.0...0.0...1c.1.N5x0mjvmVjc&bav=on.2,or.r_gc.r_pw.r_cp.&bvm=bv.1357700187,d.Yms&fp=7c3af46b44cd9d49&biw=1280&bih=707

https://www.youtube.com/results?search_query=Toefl&oq=Toefl&gs_l=youtube.3...271.2737.0.3902.5.5.0.0.0.0.0.0..0.0...0.0...1ac.1.

كما يمكننى الخروج بعدد لا نهائى من المقالات والفيديوهات عن أى موضوع أفكر فيه بمجرد كتابه اسمه باللغه مره على جوجل ومرع ع اليوتيوب.

يعنى مثلا: عايز اقرا واسمع عن المفاعلات النووية حاكتب Nuclear reactors مرتين مره على جوجل عشان اطلع مقالات اقراها او اطبعها واقراها ومره على اليوتيوب عشان اطلع فيديوهات اسمعها وطبعا المهم مش انى اطلع لكن اقرا واسمع فمثلا نتيجة البحث عن هذه العبارة هى كما يلى فى جوجل ويوتيوب على الترتيب:

https://www.google.com.eg/#hl=ar&tbo=d&q=Nuclear+reactors&oq=Nuclear+reactors&gs_l=serp.3..0l3j0i30j0i10i30j0i30l5.368235.375238.0.377988.5.3.2.0.0.0.729.1215.2-2j6-1.3.0...0.0...1c.1.A3wmeiM9E9c&bav=on.2,or.r_gc.r_pw.r_cp.&bvm=bv.1357700187,d.Yms&fp=7c3af46b44cd9d49&biw=1280&bih=707

https://www.youtube.com/results?search_query=Nuclear+reactors&oq=Nuclear+reactors&gs_l=youtube.3..0l6j0i5l4.347815.363615.0.364909.93.20.0.7.7.0.358.2138.2j0j6j1.9.0...0.0...1ac.1.uGU7NOJk9ss

يعنى دلوئتى كله متاح ع النت بس الرك ع اللى يسمع ويقرا ويذاكر ويدى وئت ومجهود من غير تعب.

واوعى تنسى الستالايت (الدش) لإنه منجم لا يفرغ لكل اللغات.

ربنا يوفقك وتحت أمرك ف أى سؤال.