محتارة بين السويدى والأسبانى ومش عارفه على أى أساس أختار اللغه اللى المفروض أدرسها عموما؟

أهلا بيكى، هارد على سؤالك ومضمونه إزاى أختار لغه والرد هيفيد الكل إن شاء الله فى معرفة الأساس اللى مفروض أمشى عليه عشان أختار لغه صح مع عدم اغفال جانب الميل نحو لغه معينه وهو يلعب فى رأييى دور قدره 10% لإن الـ 90% للمجهود والعزيمة والإصرار ولو أتقنت لغه هاحبها. السويدى لغه رائعة وعلى قمة اقتصاديات أوربا وككل الدول الأوربية الشمالية يأتون لنا بالشتاء أساسا ومشكلتها الوحيدة قلة عدد سكان هذا الشعب 9 مليون فقط تقريبا. وتعد لغة نادرة وقريبة جدا من النرويجى والدانمركى والأسبانى لغة يتحدثها 23 شعب و450 مليون نسمة لكن أعداد المرشدين بها أضعاف المرشدين بالدانمركى الذين عددهم 17 فى حين عدد الأسبانى 849، المستوى الاقتصادى للسويد أعلى، طبعا مش كل الى بيتكلموا اللغه هييجوا مصر لكن بحسبة بسيطه نجد أن مريكا مثلا سكانها 311 مليون بييجى منهم سياحه لمصر 4.7 مليون تقريبا فسنجد أن حوالى 1.5% من الشعب الأمريكى الغنى بييجى يعمل سياحه عندنا سنويا والمعدل بالنسبة لباقى الدول الأوربية المعتادة حوالى 1% ع الأقل من الشعب وإن كانت فيه شعوب مغرمة بمصر زى الفرنساويين والألمان لكن نقول مثلا 1% مثلا كمتوسط من شعب أى بلد بيعمل سياحه فيبقى السويدين هييجى منهم تقريبا من الـ 9 مليون نقول 90 ألف فيه منهم جايين انديفيديوال من غير مرشد لكن الغالبية بمرشد فنقول مثلا 90 ألف على 17 مرشد يبقى نصيب المرشد السويدى 5294 سائح حاليا ولو بيتكلم كمان نرويجى ودنماركى لإنهم قريبيين جدا فرصته واعداد سياحه هتزيد كتير وذلك لحين زيادة أعداد مرشدى هذه اللغة أو هذه اللغات النادرة. أما الأسبانى فالسكان 46 مليون ومتحدثى اللغة 450 مليون نقول هييجى منهم 1% برضه يعنى 4.5 مليون وعدد مرشدين الأسبانى 489 يبقى نصيب المرشد الأسبانى من السياح 9202 سائح، لكن يجب وضع عاملين آخرين فى الإعتبار أولهما الإقتصاد فالسويدى أغنى كثيراً وبالتالى أكثر قدرة على السياحة من الأسبانى كما أن معظم المتكلمين بالأسبانية من غير الأسبان من دول أمريكا اللاتينية الأبعد والأقل غنى كثيراً وهكذا بوضع كل البيانات جنب بعض كده يمكنك اختيار القرار السليم وعلى فكره ده اللى أنا عملته لما جيت أختار اللغات اللى أتعلمها كمرشد بس وقتها زمان رحت جبت احصائيات أعداد السياح وأعداد المرشدين من وزارة السياحة لأن الإرقام بتختلف كل فترة طبعا وعلى الأساس ده اخترت لغاتى. ربنا يوفقك وأتمنى لك كل خير لكن القرار فى الآخر بتاعك إنتى وحطيت لك وللجميع ع الصفحة احصائيات عدد السكان والجنسيات الوافدة وفيه احصائيات سابقة عن المستوى الاقتصادى للدول وعدد المتكلمين باللغات على الصفحه فى البوستات القديمه وكل ده يساعد فى قرار اختيار اللغه على اساس علمى صح ويمكن دائما الحصول على احصائيات من جوجل او من وزارة السياجة للمهتم. ربنا يوفقك.