ردود على استفسارات عن ألفا أوميجا

ألف شكر يا مارادونا لمحبتك، ألف شكر يامحمد على سؤالك وطريقة ألفا أوميجا وزى ما واضح من الإسم "ألف ياء" بتهدف لتنمية كل مهاراتك بالنسب الصح ليها.إنته اتعلمت طول عمرك تقرا وتكتب ف المدرسه والكليه. خلينا بقى نركز ع الناقص عشان نوصل للياء يعنى ...للكمال وطبعا الكمال نسبى لإن الكمال لربنا وحده. يعنى إيه النسب الصح للمهارات. خذ مثلا مثال الميه -الماء- اللى قلته من شويه. الميه مكونه من إيه؟ أكسجين وهيدروجين. كويس، أهه كده اللغه كمان مكونه من مهارات. طب ينفع أعيش على عنصر واحد منهم يعنى أكسجين أو هيدروجين بس وأعيش؟ طبعا لأ. يعنى ما ينفعش أركز ف المدرسه والكليه بس على مهاره القراءة والكتابه وأقول كله تمام. طبعا مش تمام. فين مهارة الاستماع التى تقود الى التحدث. يبقى ألفا أوميجا عشان يوصلنى للياء محتاج يركز على الناقص عندى وعند كل المصريين والعرب أى الاستماع اللى من خلاله هاراجع الجرامر والسبلينج وكله بس بقدر. يعنى برنامج تكميلى يوصلنى من الألف للياء. حاجه تانيه يا محمد، ينفع آخد أكسجين وهيدروجين أهه واخد الإتنين زى بعض وأقول كده كله تمام؟ برضه غلط. ليه بئه، مانته لسه قايل عنصر واحد غلط لازم أركز ع الاتنين؟ برضه غلط؟ إزاى بئه؟ أيوه طبعا لإن الميه -الماء- مكونه من -اتش تو أوه- معلهش الانجليزى بيلخبط الكتابه- اتش تو أوه بالعربى يعنى ذرتين هيدروجين وذره أكسجين فما ينفعش آخدهم زى بعض قد بعض بنفس النسب أو آخد مثلا ذرتين أكسجين وذرة هيدروجين برضه هاموت لإن دى مش ميه تتشرب وتعيش، أهه كده اللغع كمان لو عكست وركزت على مهارات وأهملت أخرى هاخنق الطالب وهيفطس منى لإنه عمل كل اللى يقدر عليه وشايف نفسه برضه ما بيتكلمش فيا إمه هيتعقد ويقول اللغات دى حاجه تموت يا إمه يا عينى هيفشل ويحبط ويقول أنا اللى خايب وما أنفعش فى اللغات وبكده أبقى موتته لغويا زى ما بيحصل فى شبابنا رغم إن ما لهمش ذنب لكن اتعلموا بنظام غلط وفةق كده خوفوهم وكرهوهم ف اللغه بدل ما يحببوهم فيها وزى ما دايما باقول اللى هاحبه هابدع فيه عشان كده اسلوب الدراسه لازم يحببنى ف اللغه. باختصار يا محمد ألفا أوميجا برنامج تكميلى يهدف لنقك من مستوى الألف فى اللغه الى مستوى الياء من خلال تكمله مهاراتك أيا كان مستواك ويركز على نظام الاستماع التفاعلى اللى من خلاله أمارس كل مهارات اللغه من خلال اللى باسمعه مع دراسه الجرامر دون استثناءاته التى لا ينبغى أن تدرس لأن تدريسها يعقد الطالب ولأنها بطبيعتها استثناءات لا قاعده لها تحفظ من خلال الاستماع والتكرار أى تحفظ ولا تدرس ولو عايز مزيد من التفصيل هاعمل لك دلوقتى كوبى وبيست لجزء كنت برضه رديت فيه على سؤال مشابه عن ألفا أوميجا وأهه الكوبى والبيست من هنا يا محمد: جاءنى سؤال من "مارادونا" يقول: أنا عايش ف اسكندريه وعاوز أنضم لـبرنامج ألفا أوميجا بس ما ينفعش أروح وآجى فإيه الحل؟ والحقيقه نفس الكلام ده قاله طه من الأقصر ومحمد من أسوان وناس تانيين كمان فكان لازم أوضح لمارادونا وللكل طبعا ولكل من يقرأ ف ...الصفحه إزاى أتعلم لغه بأسلوب ألفا أوميجا لو مش هقدر لأى سبب أدخل الكورسات فلو عندكو صبر وعايزين تعرفوا إزاى فتحوا عنيكو كويس لمده طويله لإنكوا مش هتقفلوها بسرعه واسمعوا ردى ده عليه: نفسى أعمل بكره بكره واحد عندك ف اسكندريه يا مارادونا وواحد لطه ف الأقصر وواحد لمحمد ف أسوان زى ما طلبوا بس طبعا ده صعب لكن يمكن لو ربنا أراد فعلا تكون فيه فروع ف المستقبل ف أكتر من مكان وباشكرك على محبتك يا مارادونا. على الأقل خلينى أحاول أشرح لك ببساطه فكرة برنامج ألفا أوميجا عشان حتى لو مقدرتش تيجى بسبب السفر تحاول تذاكر بنفس الأسلوب أو أسلوب مشابه وهحاول أختصر بس سامحنى على بعض التطويل لإن الفكره شرحها طويل شويه. برنامج ألفا أوميجا يا مارادونا فكرته قائمة أساسا على تحليل علمى لعناصر اللغه (أى المهارات اللغويه) والتعامل معها بأسلوب صح. يعنى إيه؟ تعرف ليه انهارده احنا مش عارفين نعمل التحنيط زى الفراعنه رغم اننا لقينا سائل التحنيط فى مقبره الملكه حتب حرس أم الملك خوفو وحللناه وعرفنا تقريبا كل مكوناته؟ طب ليه مش عارفين نعمل زيه انهارده؟ تفتكر ليه؟ لإن فيه معلومه مهمه جدا لسم ما نعرفهاش. تعرف إيه هيه؟ إيه اللى مفروض يتحط الأول وبعدين إيه. عارف ليه؟ عشان لو عكست ترتيب وضع العناصر هيختلف التفاعل الكيماوى ومش هيؤدى لنفس النتائج يعنى مش هيطلع نفس سائل التحنيط اللى استعمله الفراعنه من آلاف السنين وحافظوا بيه على المومياوات كل القرون دى. ياه بئه معئول إن مجرد الإختلاف فى ترتيب وضع العناصر يعمل كل الفرق ده ويبوظ الدنيا كده. هوه فعلا كده. معلهش طولت بس ما خرجتش عن الموضوع عشان اللغه برضه كده نفس الحكايه. إزاى؟ اللغه برضه ليها عناصر مجازاً. العناصر دى هيه معرات اللغه يا مارادونا. المهارات دى علميا أربعه لازم أعرف إزاى أتعامل معاها صح عشان أطلع لغه صح يعنى سائل تحنيط مضبوط. إزاى؟ اللغه علميا أربع مهارات هيه 1- القراءه 2- الكتابه 3- الاستماع 4- التحدث كويس كده؟ دى المهارات اللى هيه عناصر اللغه وقواعد التعامل معاها مهمه جداً عشان النتيجه تطلع صح. أول قاعده لازم أعرف إن المهارات دى مش زى بعض وكمان نسبهم مش زى بعض. يعنى إيه الكلام الغريب ده؟ بص معايا. اللغه علميا بيشبهوها ف الدراسات اللغويه بره بشريطين القطر (قضيبى القطار) متوازيان ولا يلتقيان. ف بدايه كل شريط قطر مهاره وف نهايته مهاره. يعنى الأربع مهارات اللى فاتوا متوزعين كده. الشريط الأولانى المهاره اللى فى أوله هيه مهارة القراءة وفى نهايه الشريط ده مهارة الكتابه. يعنى إيه؟ يعنى كل ما أقرا أكتر هاتحسن أكتر ف الكتابه وهاكتب مواضيع رائعه من غير ما أغلط. يعنى القراءة الكتير تحسن مهارة الكتابه والترجمه الورقيه وده اللى كل مدارسنا وكلياتنا بيركزوا عليه. فقط الشريط اليمين للقطر بس اللغه مش بس كده. خلينا نبص ع الشريط التانى. الشريط التانى بيبتدى بمهاره السماع يعنى الإستماع يا مارادونا وبيخلص بمهارة الكلام يعنى الحديث أو التحدث. معنى كده برضه إنى لما أسمع كتير هاتكلم كويس وكل ما سمعت أكتر هتكلم أحسن وأحسن ويا للمأساه. هذا مهمل تماما ف مدارسنا وكلياتنا لدرجه إن طلاب كليات لغات يقضون أربعة سنوات ويتخرجوا منها من غير ما يدخلوا مره معمل لغه أو حد يسمعهم ف الكليه. مأساه وكارثه ومصيبه حقيقيه والنتجه طبعا خريجينا لا يتكلمون اللغه. هم يجيدون ترجمة الورق فقط وده أقل شغل مربح اقتصاديا لإن سوق العمل بيدفع حلو أوى للى بيتكلم اللغه زى المترجم الفورى أو المرشد السياحى أما اللى بيترجم ورق فبيكسب خمسه ولا عشره جنيه ف الصفحه. تعرف إن المترجم الفورى بي(تم التعديل من قبل الادارة)ب 700 حنيه ف 6 ساعات وإن أقل أجر للمرشد السياحى رسميا 130 جنيه ف اليوم ده غير مصادر أخرى للدخل بأضعاف ذلك. ليه كل ده؟ عشان بيتكام. يبئه دى أول قاعده "اسمع كتير عشان تتكلم ممتاز" أما تانى قاعده ف برنامج ألفا أوميجا يا مارادونا وللجميع طبعا فهى كالآتى: اعط لكل مهاره ما تستحقه من مجهود. مش شطاره اركز على مهاره أوى وأهمل الباقى لإنى مثلا مهما ركزت على القراءة لن تتحسن مهارة الكلام عندى كثيرا حتى لو حفظت القاموس كله. لازم أعرف كده وإلا هامشى غلط. ادى لكل مهاره ما تستحقه من وقت ومجهود وإلا ستصاب بالإحباط لتركيزك على مهارة واحده تأخذ كل جهدك ولا تؤدى بك لتقدم. وباختصار أهم مهاره تحتاج للتركيز عليها أكثر هى الاستماع مع عدم اهمال المهارات الأخرى ولكن لكل مهاره نسبتها أو مقدارها بما يحقق الهدف المطلوب . تالت قاعده ف برنامج ألفا أوميجا وف التعليم اللغوى الحديث بتقول: "اتعلم زى ما البيبى بيتعلم" إيه الكلام الصعب ده ويعنى إيه؟ طبعا مش معنى كلامى أبداً إنى أرجع بيبى تانى لكن معناه بص شوف البيبى بيتعلم إزاى وأعمل زيه. هل البيبى بيدرس القواعد واحده واحده زينا كده ف المدرسه ولا بيتعلم بالممارسه ومراقبه الكبار واستنتاج همه بيعملوا إيه وبيقولوا إيه ومن الفهم مره ورا (تم التعديل من قبل الادارة) بيتكلم؟ طبعا هوه بيعمل كده فعلا بدليل إن فيه ولاد وبنات ف كل بلاد الدنيا بيتكلموا لغتهم زى البرابنت من غير ما يدخلوا مدارس أصلا. طب ما نعمل زى البيبى. أهه برنامج ألفا أوميجا يا سيدى بيعمل لك كده. وعلى فكره ألفا أوميجا كلمة يونانى لإن اليونانى أصل كل اللغات الأوربيه الحديثه وكانت لغه العلم والثقافه لقرون ومعنى ألفا أوميجا "ألف ياء" يعنى "البدايه والنهايه" لإن البرنامج بيغطى لك كل المهارات بنسبها الصح وبيخليك مش محتاج حاجه معاه بعد كده. نرجع لكلامنا. البرنامج بيفهمك اللغه زى البيبى يعنى بيفهمك الأول الموقف قبل ما تسمع اللغه. إزاى؟ البيبى لما بابا وماما بيكلموه بيعمل إيه؟ بيفم من التكرار والإشارات الموقف إيه وبعد ما يفهم الفكره بيسمع مامى وبابى بيقولوا كلام معناه الفكره دى. يقوم يبتدى البيبى يا مارادونا يربط كلام بابى ومامى ف دماغه على الموقف اللى هوه سمعه فيبتدى يفهم اللغه. وهنا عنصر التكرار مهم لإن ده اللى بيفهمه أكتر وأكتر مع الوقت. أهه ده بئه يا سيدى اللى بيعمله ألفا أوميجا. البرنامج بيفهمك الأول موقف وبعدين يسمعهولك. إزاى؟ الأول بتسمع جمله عربى أو بتقراها. كده فهمت موقف أو فكره خلاص؟ طب دلوقتى بعد ما سمعت أو قريت الجمله بلغتك هتسمعها باللغه اللى عايز تتعلمها. بكده مخك هيقدر يربط الفهم المسبق باللغه الميموعه لاحقا. بكده هتقدر تربط الجرامر والمعنىمع الكلام فتفهم أكتر وبالتكرار لآلاف الجمل يزيد الفهم أكتر وأكتر. وطبعا ده كله معمول ببرامج كمبيوتر وتقطيع حوارات عشان تحقق القاعده دى: الفهم أولا ثم الإستماع زى البيبى. القاعده الرابعه يا سيدى: دراسه الجرامر تكون مبسطه ولا يتم تدريس الإستثناءات. لماذا؟ لإن الإستثناءات طبيعتها أنها تحفظ وتدريسها بالتفصيل يعقد الطالب ويحبطه وييأسه من اللغه -وطبعا دى هوايتنا ف مصر والعالم العربى ف تعليم اللغات- إذن القواعد تحفظ من خلال الحوارات المسموعه مع التكرار ولا تصم من كتاب والجرامر تدرس أساسياته فقط ويطبق عمليا من خلال التعليق على جمل الحوار المسموع التى توقف كل فتره للتعلق القواعدى عليها ولتكرارها من قبل الطلبه. أرجو يا مارادونا أن أكون جاوبت على سؤالم وقدمت لك فكره كيف تذاكر اللغه بطريقه أصح تعلمت أنا بها سبع لغات وأشكر ربنا بئيت من خلالها المرشد الوحيد ف مصر بسبع لغات وعايزك انته كمان والكل يتعلم كذا لغه عشان كده كتبت لك الرد الطول ده وعشان الكل كمان يقراه ويتعلم مش بس برنامج ألفا أوميجا ماشى إزاى لكن كمان -زيك كده- إزاى يذاكر اللغه بطريقه صح لو مش هيقدر -لأى سبب- إنه يلتحق بألفا أوميجا.